毛毛老婆.....我只會愛您一個....

自問是大懶豬　自問是未夠班　但自願被你欺負
世界對我太可惡　我愛你卻極頑固

我也有我法寶　我永遠對你好　可不可演你丈夫
不怕令你厭惡　不會令你一刻吃苦

今日又係返9點，美娟上堂。佢今日講既 topic 都幾吸引，所以我都好專心上堂，無咩點訓呀。哈哈~~上到12點，Alan同家輝落左黎講番我地Year 2 既考試表現。聽佢地講，其實我都覺得自己要勤力 d 喇....如果唔係，今年都唔知會考 d 咩成績出黎....話晒都要計 Honour.....

1點同佢地落左旺角食o個間好抵既日本野，之後就同左 Stephen 落去射籃球~~哈哈! 佢真係好鬼鍾意射籃球架~~~~!!

跟住就同左毛毛去睇下 "迫上斷背山"有幾點場......買左 4:55pm個場。之後我地就去左"十大書坊"睇書喇~~~毛毛好勁呀，佢睇睇下可以眼訓到訓著左呀....佢真係好累喇~~~睇左一個鐘左右，我地就過番去睇戲喇~~套戲好好睇呀，雖然個結局係有 d 無聊，但我覺得都可以接受喇。

然後夜晚個餐，我地就去左灣仔 Grand Hyatt酒店食甜品自助餐。佢o個度 d 甜品真係好好食。不過今次佢地無左上次既 "芝士餅"，所以我覺得有 d 美中不足。之後毛毛可能有 d 唔舒服，所以我地食飽就走喇。

我地行左去金鐘搭車，沿途 d 風景真係好迷人，不禁付令我停低左好多次去影相...哈哈哈.....真的迷上了攝影!? 

心開過了...

苦辛過了...

實習完成了...

二年級讀完了...

旅行去過了...

暑假放完了...

相機買過了...

錢用完了...

三年級來到了...

功課要做了...

書要讀了...

慢慢地...............

業要畢了....

工要做了...

錢要賺了...

婚要結了...

仔要生了...

人要老了...

人生就好似一架不停站既火車，往往開得好快，不知不覺間已經錯過了很多令人回味的美景...